Google artıq iPhone istifadəçilərinə öz süni zəka  texnologiyasına daha sürətli çıxış imkanı yaradır: iOS cihazlar  ü çün  Gemini AI tətbiqini istifadəyə verdi və Gemini Live funksiyası da mövcuddur.

Google, iPhone istifadəçiləri üçün müstəqil  Gemini  süni zəka tətbiqini təqdim etdi. Google tətbiqindən müstəqil olan bu  Gemini  tətbiqi, Gemini Live dəstəyi və Dinamik Ada inteqrasiyası kimi iOS-a məxsus xüsusiyyətlərlə təchiz olunub.

Gemini tətbiqi, iPhone istifadəçilərinin mətn və ya səsli sorğular vasitəsilə Google-un süni zəka texnologiyası ilə əlaqə yaratmasına imkan verir. Google tətbiqində mövcud olmayan Gemini Live funksiyası da burada istifadə edilə bilər. Söhbətə daxil olduqda, Gemini Live həm dinamik ada, həm də kilid ekranında görünür; tətbiqə qayıtmadan süni zəkayla əlaqə qura bilərsiniz.

Google, Gemini tətbiqini pulsuz təqdim edir, lakin Gemini Advanced ilə daha inkişaf etmiş süni zəka təcrübəsi üçün abunə almaq tələb olunur. Gemini Advanced, aylıq 36 AZN olaraq qiymətləndirilib və Google One AI Premium 2 TB planına daxildir.

Əvvəllər iOS istifadəçiləri yalnız Google tətbiqindəki xüsusi bir sekmə vasitəsilə Gemini-yə çıxış əldə edə bilirdilər və bu, Android versiyasına nisbətən daha məhdud imkanlar təqdim edirdi.

Google Gemini-ni  App Store -dan yükləyə bilərsiniz.

Gemini iPhone tətbiqinin xüsusiyyətləri

1. Gemini Live rejimində süni zəkayla söhbət edin
2. Gemini ilə daha ağıllı işləyin
3. İstədiyiniz vizualları bir neçə saniyə ərzində yaradın
4. Ən sevdiyiniz Google tətbiqlərindən istifadə edin
5. Yazarkən dəstək alın və düzgün sözləri tapın
6. Fərqli səs tonları arasında seçim edin
7. Fotoşəkil çəkərək daha çox məlumat əldə edin