Google getmədən Windows 11 -in ekranından axtarış etmək mümkün olacaq!

Google getmədən Windows 11 -in ekranından axtarış etmək mümkün olacaq!

Hamımız nəyisə axtaranda google, yahoo, yandex və s. kimi axtarış sistemlərindən istifadə edirik. Lakin proqram təminatı nəhəngi Microsoft Windows 11-də yeni funksiyanı sınaqdan keçirməyə başlayıb. Eyni ilə Android telefonlarında olduğu kimi Windows 11-in displeyinə axtarış paneli əlavə edilib. Bu iş masasında internet üzərindən praktiki axtarışlar etməyə imkan verəcək.

Bu barədə Microsoft istifadəçilərdən rəy və təkliflər toplanır. Bunun faydalı əlavə olub-olmaması mübahisəlidir. Çünki kompüterdə vaxt keçirərkən brauzer pəncərəsi adətən açıq olur və axtarış üçün masaüstünə qayıtmaq istifadəçilərin xoşuna gəlməyə bilər. Veb axtarış vidceti kompüterinizi yenidən başlatdıqdan sonra sürətli axtarış üçün faydalı ola bilər. Onu söndürmək istəyənlər kontekst menyusu (sağ klik menyusu) vasitəsilə axtarış panelini söndürmək imkanı əldə edəcəklər. Sözügedən yenilik Microsoft-un tədricən Windows 11-ə əlavə edəcəyi bir çox oxşar alətlərdən birincisidir.

Bununla birlikdə Windows-un yeni seriyasında bir çox çatışmazlıqlar aradan qaldırıldı. İstifadəçilər batareyadan istifadə qrafikini açdıqda parametrlər proqramının sıradan çıxmasına səbəb olan problem həll edildi. Microsoft, həmçinin platformanın dayanıqlığını yaxşılaşdırmağa yönəlmiş bir sıra kiçik düzəlişlər etdi. Düzəlişlərin tam siyahısını rəsmi veb saytdan tapa bilərsiniz.

Şərhlər

Digər xəbərlər