Google Trampın "Truth Social" şəbəkəsinə daxil olmağa icazə vermir!

Onun tərəfdarları izdihamlı şəkildə Kapitol binasına basqın edərək polisə hücum edəndən iki gün sonra Donald Tramp təntənəli şəkildə Twitter-dən qovuldu. Sosial media platforması Trampın ictimaiyyət və media ilə əsas ünsiyyət forması idi. Milyarder Elon Mask aprel ayında Twitter üçün 44 milyard dollarlıq təklif (səhm üçün 54,20 dollar) verəndə şirkəti alacağı təqdirdə keçmiş prezidenti sosial şəbəkəyə qaytaracağını bildirmişdi.

Trampın Truth Sosial platforması Android-dən istifadə edən amerikalıların 44%-i üçün əlçatmaz olaraq qalır

Keçən oktyabr ayında Tramp “Truth Social” adlandırdığı Twitter-ə bənzər sosial şəbəkə yaratmağa qərar verdi. iOS istifadəçiləri üçün App Store-da mövcud olsa da, Google istifadəçiləri yalnız Play Store-da əvvəlcədən qeydiyyatdan keçərək istifadə edə bilərlər. Əslində belə görünür ki, Google heç vaxt Android platformasında “Truth Social”a icazə verə bilməz, ən azı platforma "Google"un narahat edən bəzi böyük problemləri həll edənə qədər bu mümkün deyil. CNBC-nin məlumatına görə, Google bildirir ki, proqramda Play Store-un şərtlərini pozan istifadəçi məzmununun moderasiyası metodu yoxdur. Google bu gün yaydığı bəyanatda "Avqustun 19-da biz onların cari proqram təqdimatında standart siyasətlərin bir neçə pozuntusu barədə məlumat verdik və təkrarladıq ki, istifadəçi tərəfindən yaradılan məzmunu idarə etmək üçün effektiv sistemlərin olması bizim şərtimizdir." 

"Google"nin məhdudiyyətinə görə ABŞ-dakı Android istifadəçiləri (ölkədə smartfon istifadəçilərinin 44%-ni təşkil edir) “Truth Social”ı telefonlarına quraşdıra bilmirlər. Axios xəbər verir ki, “Truth Social” "Google"un tələbləri ilə tanışdır və "Google"dan sitat gətirir: "Keçən həftə “Truth Social” rəyimizi qəbul edərək bu problemlərin həlli üzərində çalışdıqlarını bildirdilər."

Axios qeyd edir ki, “Truth Social” da bəzi yazıların əvvəlində yerləşdirilən və "Bu məzmun bütün auditoriyalar üçün uyğun olmaya bilər" yazan pankartı olsa da, zorakılığı təhdid edən məzmun platformada qalır. Eyni zamanda ABŞ Patent və Ticarət Nişanları İdarəsi (USPTO) Trampın "Truth Social" adının ticarət markası üçün müraciətindən imtina etdi.