Google Pixel telefonları üçün Android 13 Beta 2.1-i buraxır

Google Pixel telefonları üçün Android 13 Beta 2.1-i buraxır

Google şirkəti Android 13 Beta üçün yeniləmə yayımladı. Ayın yalnız yarısını keçməsinə baxmayaraq, yeni Android 13 Beta 2.1  Android 13 Public Beta-nın ilkin buraxılışından dərhal sonra Pixel cihazlarına təsir edən bir neçə problemi həll edəcək.

Google-un buraxılış qeydlərinə aşağıdakı düzəlişlər daxildir:

-Axtarış edərkən nəticələrin boş çıxması problemi həll edildi.

-Hotspot-u yandırarkən cihazların çökməsi və yenidən işə düşməsi problemi həll edildi.

-Telefon zəngi vaxtı arxa fonda davamlı zəng səsinin eşidilməsi ilə bağlı problem həll edildi.

-Android Auto ilə əlaqəni kəsdikdən sonra cihazların çökməsi və yenidən işə düşməsi problemi həll edildi.

-Bu yeniləmə hələ də yuxarıda qeyd olunanlar istisna olmaqla, mayın 11-də buraxılmış Beta 2 ilə eyni problemləri var. 9to5Google-a görə, yenilənməyə baxmayaraq, axtarış çubuğu problemi hələ də qalır.

Əgər siz artıq Android 13 Beta-dasınızsa, yeniləmə avtomatik olaraq OTA bildirişi vasitəsilə sizi xəbərdar edəcək. Yox, əgər siz Android 12 QPR (Rüblük Platforma Buraxılışı) Beta proqramındasınızsa, Android 13 Beta versiyasından imtina etməli və yenidən qeydiyyatdan keçməli olacaqsınız. Yadda saxlayın ki, Android 13 Beta hələ də erkən Beta mərhələsindədir.

Unutmayın ki, qeydiyyatdan keçmək istəyirsinizsə, əksər hallarda məlumatları silmədən buraxılışa qayıda bilməyəcəksiniz. Gündəlik istifadə etdiyiniz cihazda qeydiyyatdan keçməzdən əvvəl düzgün araşdırma apardığınızdan əmin olun.