Google Pixel Fold bu qiymətə satılacaq: 3000 manat!

Texnologiyanın inkişafı ilə smartfon istehsalçıları qatlanan modellərə müraciət etməyə başlayıblar. Google tezliklə ilk qatlana bilən telefonu “Pixel Fold”u təqdim edəcək. Bu gün məşhur OnLeaks smartfonun yeni render şəkillərini paylaşıb.

Google Pixel Fold-un dizaynı məlum olub

Məlumatlara görə, Google Pixel Fold təxminən 158,7 x 139,7 x 5,7 mm ölçülərə və qatlanan çevik ekrana sahib olacaq. Bununla belə, rəqibi "Galaxy Z Fold 4"dən əhəmiyyətli dərəcədə daha geniş dizaynla gələcək yeni telefon 7,69 düymlük əsas ekran və 5,79 düymlük qapaq ekranı ilə istifadəçilərə təqdim ediləcək. Şəkillərdən də gördüyünüz kimi "Google Pixel Fold"un arxa tərəfi "Pixel 7 Pro"ya bənzəyir, lakin yanlardan çıxmayan kamera yeri var. Bu bölmədə üç kamera sensoru, LED flaş və mikrofon yerləşəcək. Yeni cihazın diqqətəlayiq çərçivə qalınlığına sahib olduğunu da deyə bilərik. 

OnLeaks “Pixel Fold”un aparatı ilə bağlı əlavə təfərrüatları paylaşmadı. Bununla belə, çox güman ki, yeni smartfon “Google”un Tensor G2 platformasından dəstək alacaq. “Google Pixel Fold”un gələn ilin may ayında 3 min manat (1799 dollar) qiymətlə təqdim ediləcəyi gözlənilir.