"Google Maps"-dən möhtəşəm yenilik gəlir!

Google Xəritələr üçün bir çox yeni funksiyalar elan edilib. Sizə tamamilə tanış olmayan ölkənin və ya şəhərin bütün gözəlliklərini bilməyə kömək edən vibe xüsusiyyəti, dünyanın 250-dən məkanın havadan görünüşü, sizə yaxın yerlərin canlı görünüşü və daha çox yeni funksiyalar “Google Maps” ilə gələcək. Yeni elan edilən Google Xəritənin ən diqqət çəkən xüsusiyyəti müxtəlif ölkələri gəzməyi, yeni ləzzətləri sınamağı və tarixi yerləri görməyi sevənləri sevindirəcək şəhər mühitinin göstərilməsidir.

Əvvəllər getmədiyimiz bir ölkə haqqında məlumat almaq üçün ətrafdakılara nələri görməli, hansı yeməkləri yeməliyəm? kimi suallar verirdik. İndi bütün bu məlumatları Google Maps verəcək. Getdiyiniz ölkə nələri ilə məşhurdur, ziyarət edilməli yerlər hansılardır kimi sualların cavabı bu mükəmməl yeniləmədədir. Siz xəritədən istədiyiniz şəhəri seçə və ən məşhur yerlər haqqında ətraflı məlumat əldə edə biləcəksiniz. Bu məlumatlar insanlar tərəfindən təqdim edilən və süni intellektlə qarışdırılmış foto, mətnlərdən ibarətdir. Bu sayədə siz xaricə səfər planını qısa müddətdə tərtib edə və vaxtınızdan daha səmərəli istifadə edə biləcəksiniz.

Google bu yenilikdə istifadəçilərin töhfəsinin böyük olduğunu vurğulayır. Şirkətin açıqlamasına görə, istifadəçilər hər gün 20 milyondan çox rəy, foto və video göndərirlər. Google yeni funksiyanın yaxın aylarda Android və iOS istifadəçilərinə təqdim ediləcəyini bildirib.Bu xüsusiyyət bütün dünyada aktiv olacaq.