Apple tərəfindən 2019-cu ildə istifadəyə verilən Find My (Cihazımı tap) funksiyası iOS istifadəçilərindən müsbət rəylər toplamağı bacarıb. İndi oxşar xüsusiyyət Android telefonlarına gəlir. Yaxın vaxtlarda paylaşılacağı gözlənilən Google Play Xidmətləri yeniləməsində Find My şəbəkəsinə bənzər funksiya ortaya çıxdı.
“Google”un yeni “Cihazımı tap” funksiyası “Apple” şirkətinin “Find My” şəbəkəsi kimi söndürülmüş və ya Wi-Fi/Bluetooth-a qoşulmayan itmiş Android cihazlarını izləməyə imkan verəcək. Keçən il "Google"nin bu cür şəbəkə üzərində işlədiyi xəbərləri yayılmışdı. Lakin bu günə qədər ciddi bir irəliləyiş əldə olunmayıb. Bundan əlavə, yenilik "Cihazımı tap" şəbəkəsinə əlavə olaraq bir sıra yeni funksiyaları da əhatə edir. Bu funksiyalardan birincisi yaddaş yeri az olduqda istifadəçilərə proqramları avtomatik arxivləşdirməyə imkan verəcək. Digər təfərrüatlar arasında Fitbit Sense 2 və Versa 2 üçün Digital Car Key və Google Wallet tətbiq kartı kimi funksiyalar var.
