Meta, Google və Amazon kimi böyük texnologiya şirkətləri məlumatların təhlükəsizliyindəki nöqsanlara görə ciddi cəzalar almağa başlayıblar. Bütün dünyada fərdi məlumatların təhlükəsizliyinin artan əhəmiyyəti şirkətlərin xidmətlərində və platformalarında mühüm dəyişikliklərə səbəb olub. Son illər etdiyi qanun pozuntularına görə bir çox cəza alan Google növbəti cəzasını alıb.

Google hətta ünvanı (location) söndürdükdə belə Android istifadəçilərini izləyib!

2020-ci ilin may ayında Arizona ştatı şəxsi məlumatların məxfiliyini pozduğuna görə Google-u məhkəməyə verdi. Ştatın baş prokuroru Mark Brnoviç bəyan edib ki, Android istifadəçilərinin ünvan xidmətləri söndürülsə belə Google axtarış, xəritə, hava və digər proqramlar vasitəsilə istifadəçilərin yerini izləyib. Məlumatların məxfiliyi pozulduğuna görə adambaşına 10.000 ABŞ dolları məbləğində cərimə tələb edən məhkəmə iddiası yekunlaşdı və 85 milyon dollar cərimə olundu. Google bu il 69 milyard dollara yaxın gəlir əldə etdiyinə görə 85 milyon dollarlıq cərimə firma üçün əhəmiyyətsiz görünsə də bu firmanın ən çox cəza aldığı məhkəmə oldu.