Google "Gmail"ə məxfiliyi yaxşılaşdıran və e-poçt göndərilməsini daha təhlükəsiz edən başdan-başa şifrələmə gətirir. Təhlükəsizlik funksiyası hazırda beta versiyasındadır və yalnız Google Workspace Enterprise Plus, Education Plus və Education Standard, yəni təhsil hesabları üçün aktivləşdirilib.

Hətta Google bunu görməyəcək!

Gmail veb üçün yeni müştəri tərəfi şifrələməsi (E2EE) istifadəçi məlumatlarını hər hansı üçüncü tərəf və hətta “Google”un özü üçün şifrələnmiş və oxunmaz edəcək. Bu o deməkdir ki, istifadəçilərin bütün həssas məlumatları əlavə edilmiş e-poçtlarda daha təhlükəsiz olacaq. Gmail-də başdan-başa şifrələmə e-poçt mesajlarının göndərən tərəfindən şifrələnməsini və yalnız alıcı tərəfindən deşifrə edilməsinin təmin edir. Google, üçüncü tərəf, təşkilat hətta e-poçt serveri e-poçt mesajlarının şifrəsini aça və ya oxuya bilməyəcək. Google artıq Disk, Sənədlər, Cədvəllər, Slaydlar, Meet və Təqvim üçün müştəri tərəfində şifrələməni təmin edir. İndi bu funksiya "Gmail"də, ancaq Workspace istifadəçiləri üçün əlçatandır.

"Gmail"də başdan sona şifrələməni necə aktivləşdirmək olar?

Funksiya fərdi istifadəçilər və şəxsi Gmail hesabları üçün nə vaxt istifadəyə veriləcəyi bilinmir. İstifadəçilər hazırda beta proqramına qoşulduqdan sonra Admin konsolu - Təhlükəsizlik - Giriş və data nəzarəti altında müştəri tərəfi şifrələməni aktiv edə bilər. Xüsusiyyət mesaj pəncərəsinin yanındakı kilid işarəsinə klikləməklə və əlavə şifrələməni seçməklə də aktivləşdirilə bilər. Bu şifrələnmənin Android və iOS proqramlarına da gələcəyi deyilir.