"Gmail"də mavi tık dövrü başlayır!

Doğrulanmış hesablar və mavi tık son illərdə ən populyar ifadələrdən birinə çevrilib. İndi təsdiqlənmiş mavi işarə hesabları “Gmail”ə gəlir və çox faydalı ola bilər.  Gmail şəxsiyyəti təsdiqləmək üçün göndərənin adının yanında mavi işarəni göstərməyə başlayacaq. Bununla da Google istifadəçilərin aldıqları e-poçtun təsdiqlənmiş hesabdan ya fırıldaqçıdan olduğunu müəyyən etməsinə kömək olacaq.

Təsdiqlənmiş işarə “Gmail”in Mesaj İdentifikasiyası üçün mövcud Brend Göstəriciləri (BIMI) funksiyasına əsaslanır. Bu funksiya şirkətlərdən e-poçt avatarları kimi istifadə etdikləri brend loqotipinin həqiqətən onlara məxsus olduğunu bəyan etmələrini tələb edir. Bildirilir ki, artıq BIMI-ni qəbul etmiş şirkətlər avtomatik olaraq mavi tıkı alacaqlar.

Google tərəfindən paylaşılan şəkildə göründüyü kimi, işarənin üzərinə vurulanda "bu e-məktubu göndərən şəxsin e-poçtu göndərmək üçün istifadə etdiyi domen və profil şəkli təsdiqlənib" yazısı gəlir. Google bildirir ki, e-poçt identifikasiyası həm istifadəçilərə, həm də təhlükəsizlik sistemlərinə spamı müəyyən etməyə və dayandırmağa kömək edə bilər, eyni zamanda göndərənlərə "marka etibarından istifadə etməyə" imkan verir.

Gmail bu gündən etibarən həm Workspace hesablarına, həm də şəxsi Google hesablarına təsdiqlənmiş işarələr təqdim edir, beləliklə, siz tezliklə e-poçtlarınızda mavi tıkları görməyə başlaya bilərsiniz.