Samsung Galaxy S23 seriyasının çıxışına cəmi bir neçə ay qalıb və biz bu müddət ərzində daha çox məlumat alacağımızı gözləyirik. Əvvəlki xəbərlərdə Cənubi Koreya şirkətinin bu seriyada vizual olaraq çox xəsis olacağını qeyd etmişdik, lakin xüsusilə kamera tərəfində işlər heç də belə deyil. "Samsung"un "Galaxy S23 Ultra"da 200MP əsas kamera yerləşdirməsi gözlənilir. Bazara 200 meqapiksellik kameralı telefonlar daxil olsa da, "Samsung"un bu yüksək səviyyəli modeldə daha təkmil sensordan istifadə etdiyi və təsvirin işlənməsi alqoritmlərində ciddi irəliləyiş əldə etdiyi bildirilir. Sızıntı mənbəyinə görə, Galaxy S23 Ultra aşağı işıq şəraitində Galaxy S22 Ultra ilə müqayisədə xeyli yaxşı foto və video çəkir.

Son 5 ildə ən böyük irəliləyiş

Eyni şəkildə, Galaxy S23 Ultra-nın son beş ildə (Galaxy S10-dan bəri) kamera performansında ən böyük təkmilləşməni yaşadığı iddia edilir. Samsung hazırda bazarda mövcud olan bir neçə 200MP kamera sensorlarına malikdir. Bununla belə, Galaxy S23 Ultra bunlardan fərqli bir sensora sahib olacaq. Hələlik bu sensorun xüsusiyyətləri haqqında məlumat yoxdur.

Galaxy S23 nə vaxt buraxılacaq?

Bütün bu məlumatlar doğrudursa, Galaxy S23 Ultra kamera performansında rəqiblərinin əksəriyyətini geridə qoya bilər. "Galaxy S22 Ultra"nın kamerası artıq kifayət qədər güclü idi və qeyd olunan irəliləyiş əldə olunarsa, Galaxy S23 Ultra yenilməz mövqeyə yüksələ bilər. Bundan əlavə, telefonun Snapdragon 8 Gen 2 prosessoru, 12 GB RAM, 256 GB/512 GB/1 TB yaddaş və 5000 mAh batareyaya sahib olacağı gözlənilir. 200 meqapiksellik kamera ilə yanaşı, 12 meqapiksellik ultra geniş kamera, iki 10 meqapiksellik telefoto kamera (3x və 10x böyütmə) və OIS ilə 40 meqapiksellik selfi kamerası olacağı da bildirilir. Galaxy S23-ün buraxılış tarixi gələn il olacaq.