Samsung, tezliklə bazara çıxaracağı Galaxy Z Fold 6 SE modeli ilə ekranın qatlanma izini əhəmiyyətli dərəcədə azaldacaq. Telefon, eyni zamanda sələfindən daha nazik bir gövdəyə sahib olacaq.

Katlanabilən telefonlar sahəsində Çinli rəqiblərinin arxasında qalan Samsung, Galaxy Z Fold 6 Special Edition modeli ilə rəqiblərini tutmağı hədəfləyir. Şirkətin katlanabilən telefonları qalın olmaları ilə yanaşı, qatlanma izinin olduqca görsənməsi səbəbindən də tənqid olunur. Lakin Cənubi Koreya nəhəngi, bu yeni modeldə bu sahədə ciddi inkişaflar etməyi planlaşdırır.

Etibarlı məlumat sızdıran mənbə Ice Universe-nin iddiasına görə, Samsung Galaxy Z Fold 6 SE modelində ekranın qırışmasını əhəmiyyətli dərəcədə azaltmağı bacarıb. Ancaq mənbə, şirkətin bunu necə əldə etdiyini qeyd etmir.

Yeni model, həmçinin naziklik mövzusunda da mühüm irəliləyişlər göstərəcək. Əvvəlki məlumatlara əsasən, telefon qatlananda 10,6 mm qalınlığa sahib olacaq. Çinli istehsalçıların 10 mm-dən aşağı qalınlıq səviyyələrinə çata bilməsə də, Galaxy Z Fold 6-nın 12,1 mm qalınlığından əhəmiyyətli dərəcədə nazik olacaq.

Galaxy Z Fold SE modeli, 6,5 düymlük xarici ekran və 8 düymlük daxili ekran ilə sələfindən bir qədər böyük ekran sahəsi təqdim edəcək. Digər söz-söhbətlərə görə, telefon ekranaltı kamera xüsusiyyətinə malik olacaq. Lakin telefonun yalnız Cənubi Koreya və Çin bazarında satışa çıxacağı iddia olunur.