Keçən fevral ayında flaqman Galaxy S23 seriyasını istifadəçilərə təqdim edən Samsung müsbət rəylər toplayıb. Bu kontekstdə Galaxy S24 seriyasının nə təklif edəcəyi çoxuna maraqlıdır. Paylaşılan ilk məlumata görə, Galaxy S24 Ultra ekran texnologiyası və kamera xüsusiyyətləri baxımından rəqibsiz olacaq. 

Xatırlasaq, keçən ay paylaşılan məlumatlar bizə göstərdi ki, Galaxy S24 Ultra 4-cü nəsil optika və f2.5 ilə f.9 arasında diaframa malik telefoto kameraya sahib olacaq. Bunların hər ikisi yeni flaqmana 150x böyütmə ilə şəkil çəkməyə imkan verəcək.

Bu gün tanınmış bloqçu Sam Lover Galaxy S24 Ultra-nın 144Hz yeniləmə sürətinə sahib olacağını bildirdi. Müasir smartfonların əksəriyyətinin 120Hz yeniləmə sürəti təklif etdiyini nəzərə alsaq, bu təkmilləşdirmənin S24 Ultra-nı rəqiblərindən fərqləndirəcəyini söyləyə bilərik. Əslində, Koreya nəhənginin ən yaxın rəqibi olan Apple də Pro modellərində daha yüksək yeniləmə sürətinə üstünlük verir. Gələn xəbərlər 2023-cü ilin sonunda buraxılması gözlənilən Apple iPhone 15 Pro və iPhone 15 Pro Max modellərində təkmilləşdirilmiş enerji səmərəliliyi ilə seçilən Samsung M13 panellərinin istifadəsinə işarə edir. Buna görə də Galaxy S24 seriyasında oxşar panel seçiminə rast gələ bilərik. Ancaq bunu təsdiqləmək üçün bir az daha gözləməliyik.