“Samsung”un yeni flaqman smartfonları çox yaxında təqdim olunacaq. Galaxy S23 seriyası ilə bağlı bütün informasiyaları bildiyimizi deyə bilərik. Nəhayət, Galaxy S23, Galaxy S23 + və Galaxy S23 Ultra-nın qiyməti barədə də məlumatlar internetə sızdı.

Aşağıda göstərilən qiymətlər smartfonların təqdimatına yaxın tənzimlənə bilər, lakin hələlik görünən qiymətlər bunlardır:

Galaxy S23 8/128 GB: 799 dollar

Galaxy S23 8/256GB: 849 dollar

Galaxy S23+ 8/128 GB: 999 dollar

Galaxy S23+ 8/256GB: 1049 dollar

Galaxy S23 Ultra 8/256GB: 1249 dollar

Galaxy S23 Ultra: 12/512 GB: 1349 dollar

Galaxy S23 Ultra 12GB/1TB: 1499 dollar

Bəzi versiyalarda gecikmə ola bilər

Belə məlumatlar var ki, standart Galaxy S23 Galaxy S23+ və Galaxy S23 Ultra-dan fərqli olaraq Wi-Fi 7-ni dəstəkləməyəcək. Amma UWB (ultra wideband) texnologiyası bütün modellərdə olacaq. RGCloudS bildirir ki, 1TB yaddaşa malik Galaxy S23 Ultra 6 həftə gecikə bilər. Eyni şey Samsung Store-a məxsus smartfon rəngləri üçün də keçərli ola bilər. Xatırladaq ki, Cənubi Koreya şirkəti yeni Galaxy S23 seriyasını fevralın 1-də Galaxy Unpacked 2023 tədbirində təqdim edəcək.