Samsung Galaxy S23 seriyasının rəsmi olaraq 2023-cü ilin fevralında təqdim ediləcəyi gözlənilir. Seriyanın ən bahalı modeli olacaq Galaxy S23 Ultra-nın xüsusiyyətləri sızdırılıb. Samsung 2023-cü ilin fevral ayının ilk həftəsində Galaxy S23 ailəsini təqdim edəcək, ən azından gözləntilər belədir. Üç modeli görəcəyik, Galaxy S23, Galaxy S23 Plus və Galaxy S23 Ultra. "Qualcomm"un ən yeni prosessoru Snapdragon 8 Gen 2-nin xüsusi versiyası ilə təchiz ediləcək Samsung S23 ailəsinin ən yüksək səviyyəli modeli olacaq S23 Ultra TENAA sertifikatını aldı və cihazın bütün texniki xüsusiyyətlərini aşkara çıxardı. SM-G9180 model nömrəsi ilə görünən Galaxy S23 Ultra 6,8 düymlük QHD + təsvir ölçülü ekrana sahib olacaq. 8 nüvəli prosessorda biri 3,36 GHz, digər ikisi 2,8 GHz və 2 GHz tezlikdə işləyən üç CPU klasteri olacaq. Yəni prosessor adi haldan daha yüksək sürətlə işləyəcək. 

Telefonda 8GB/12GB RAM, 256GB/512GB/1TB yaddaş seçimləri ilə gələn dördlü arxa kamera qurğusunu görəcəyik, lakin əsas kamera 200MP əvəzinə 108MP ola bilər. S23 Ultra-nın əsas kamerasının S22 Ultra-da olan eyni 108MP ISOCELL HM3 sensorundan istifadə etdiyi deyilir. 108 meqapiksellik əsas kameranı 12 meqapiksellik telefoto, 12 meqapiksellik ultra geniş, 2 meqapiksellik digər sensor müşayiət edəcək. Ön kamera 40 meqapiksellik obyektiv əvəzinə 12 meqapiksellik obyektivdən istifadə edəcək. Çəkisi 233 qram olacaq telefon 4855 mAh batareyadan (5000 mAh olaraq bazara çıxarılacaq) güc alacaq.

Samsung Galaxy S23 Ultra gözlənilən xüsusiyyətlər

Ekran: 6,8 düym, QHD həlli (3088x1440), 16,7 milyon rəng dərinliyi, AMOLED

Prosessor: Qualcomm Snapdragon 8 Gen 2 (3,36 GHz)

Yaddaş: 8GB / 12GB, 256GB / 512GB / 1TB

Batareya: 4855 mAh (25W sürətli batareya)

Ölçü və çəki: 163,4 x 78,1 x 8,9 mm, 233 q