Galaxy S23 Ultra-nın kamerası ümidləri doğrultmadı!

Android dünyasının ən güclü və ən iddialı flaqmanı olan Galaxy S23 Ultra ilk sınaqlarına girməyə başlayıb. Kameraların yoxlanışını aparan ən məşhur platforma DxOMark yeni flaqmanı test edib. S23 Ultra modeli orta hesabla 140 xalla onuncu yerdə qərarlaşıb. Siyahıda ilk yeri 149 xalla Huawei Mate 50 Pro modeli tutur. 

Galaxy S23 modeli ümumi kamera baxımından uğurludur. Bununla belə, zəif işıqda görüntü itkisi, çəkim gecikməsi, fonda ekspozisiya qeyri-sabitliyi çatışmazlıqlar arasındadır. Video çəkilişi isə ideal səviyyədədir.

Hələ ilk dövrlərində olduğu üçün kamera tərəfindəki bəzi balanssızlıqlar ağıla gələn ilk şeylər arasındadır. Əminik ki,  Samsung müxtəlif yeniləmələrlə kamera performansını artıra biləcək.