Samsung Galaxy S23 Ultra hazırda şirkətin ən bahalı smartfonudur. Yüksək qiymətə satılan telefonların çox keyfiyyətli və qüsursuz olması gözləniləndir, lakin bu bəzən belə olmur. Müxtəlif sosial şəbəkələrdə S23 Ultra ekranı ilə bağlı çoxsaylı şikayətlər var. Bəzi istifadəçilər ekranın bir küncündə qüsur olduğunu açıq-aşkar göstərən şəkillər paylaşır, lakin “Samsung”un açıqlamasına görə, bu, nə problemdir, nə də istehsal qüsurudur.

“Ekran paneli bir neçə komponent təbəqəsindən, o cümlədən ekran panelinin üstündən örtülmüş səth temperli şüşədən ibarətdir. Xarici nəsnələrin və ya mayenin daxil olmasına mane olan suya davamlı / toz keçirməyən struktur dizaynı var.

Bütün Samsung məhsulları ciddi daxili keyfiyyət nəzarətindən keçir. Ekran paneli çoxsaylı komponentlərdən (səth temperli şüşə, toz keçirməyən, suya davamlı təbəqə) ibarətdir. Yüksək işıq altında işığın sınmasından sonra müəyyən bucaqlarda xətlər görünə bilər. Bu normaldır və məhsulun funksiyasına heç bir təsiri yoxdur. Ona görə də rahatlıqla istifadə edin.”

Bəzi istifadəçilər “Samsung”un məsələ ilə bağlı açıqlaması ilə tam razılaşmır, xüsusən də qüsur kimi görünmədiyi hissəsi ilə. “Samsung”un bu problemlə üzləşənlərin pulunu geri qaytaracağı və ya dəyişdirəcəyi bəlli deyil.