Galaxy S25 Ultra-nın S Pen-i artıq Bluetooth xüsusiyyətinə sahib deyil

Samsung-un Galaxy S25 Ultra modelində yer alan S Pen-də Bluetooth xüsusiyyətinin çıxarılacağı ilə bağlı xəbərlər təsdiqləndi. Bu, o deməkdir ki, S Pen artıq uzaqdan həyata keçirdiyi bəzi funksiyaları yerinə yetirə bilməyəcək.

Bluetooth-un çıxarılması ilə birlikdə, S Pen vasitəsilə müəyyən tətbiqləri uzaqdan idarə etmək imkanı aradan qalxıb. Xüsusilə, kameranı uzaqdan idarə etmək və ya şəkil çəkmək üçün istifadə olunan bu xüsusiyyət bir çox istifadəçi tərəfindən bəyənilirdi. Eyni zamanda, Air Commands funksiyası ilə qalemin hərəkəti əsasında müəyyən əməliyyatların yerinə yetirilməsi də artıq mümkün olmayacaq.

"İstifadəçilərin çox az bir hissəsi bu funksiyadan istifadə edirdi"

Samsung, Air Commands xüsusiyyətinin istifadəçilərin yalnız 1%-i tərəfindən istifadə edildiyini əsas gətirərək bu qərarı qəbul etdiyini bildirib. Şirkət əlavə edib ki, Bluetooth-un çıxarılması S Pen-in daha yüngül və dayanıqlı olmasına kömək edəcək.

Bluetooth-un çıxarılması həm də Samsung üçün maliyyə baxımından üstünlük yaradacaq. Telefon daxilində qalemin şarj olunması üçün lazım olan komponentlərin, məsələn, şarj bobinlərinin çıxarılması ilə əlavə yerə qənaət olunacaq.

Bu qərar hər nə qədər Samsung üçün məntiqli görünürsə də, S Pen-in bu funksiyasından müntəzəm istifadə edən istifadə çilər arasında narazılıq yarada bilər.