Facebook - da daha real avatarlar yaratmaq mümkün olacaq!

Facebook-un əsas şirkəti Meta yeni süni intellekt platformasını elan edib. Meta-nın yeni platforması MyoSuite ilə avatar modelləri hazırlamaq daha asan və daha real olacaq. Sosial mediada, oyunlarda, metaverse və bir çox digər rəqəmsal xidmətlərdə insanlar avatarlardan istifadə etməyi xoşlayırlar. Son illər avatarların istifadəsi yenidən populyarlıq qazansa da, Meta avatarların görünüşünü bəyənmir. Meta bu istiqamətdə Facebook üçün yeni süni intellekt platforması hazırladığını açıqlayıb.

Daha real görünən və hərəkətli avatarlar hazırlanacaq

Meta skelet tədqiqatları üçün yeni süni intellekt platforması yaradır. Avatarların real olmadığından şikayətlənən Meta, avatarların daha real görünməsi və hərəkət etməsi üçün insan bədənini daha çox araşdırmaq lazım olduğunu bildirib. Metanın hazırladığı MyoSuite süni intellektdən istifadə edərək daha realist dayaq-hərəkət sistemi istehsal edir. Bu modellərlə istifadəçilər qələm və açar fırlatma kimi daha realist hərəkətləri canlandıra bilərlər. Bu modellər həmçinin əməliyyat və yaralanmalar vaxtı şəxslərin hərəkətlərinin necə dəyişəcəyini araşdırmaq üçün də istifadə olunacaq. Eyni zamanda Facebook-un CEO-su Mark Zukerberq bildirib ki, bu platforma həm protez, reabilitasiya və cərrahi üsulların hazırlanmasında istifadə edilə bilər.