Facebook Apple izləyicilərini izləyir!

Apple-ın təhlükəsizlik, məxfiliklə bağlı çoxlu reklamları var və biz onların çox sərt qaydaları olduğunu bilirik. Ancaq bəzi texnologiya şirkətləri bu qaydalara əhəmiyyət vermir. Facebook-un ana şirkəti Meta-ya qarşı açılan iki yeni məhkəmə iddiasına görə, iPhone istifadəçiləri Facebook və Instagram sosial şəbəkələri vasitəsilə izlənilir. İstifadəçilər Facebook və Instagram-da tətbiqdaxili brauzer vasitəsilə sayta daxil olduqda istifadəçinin xəbəri olmadan JavaScript kodu sayta yerləşdirilir və Meta hər şeyi izləyir.

Meta iddiaya görə qanunu pozur!

Apple keçən il proqramların izlənilməsi şəffaflığı (qısaca ATT) adlı yeni məxfilik proqramını buraxdı. Böyük texnologiya şirkətləri Apple-ın məxfilik qərarına görə milyardlarla dollar itirdi. Təkcə Meta 10 milyard dollar itirib. İstifadəçilərin onlayn olaraq nə etdiyini izləyə bilmək reklam verən şirkətlər üçün mühüm informasiya mənbəyidir. Çünki alınan data bilgisi ilə şirkətlər reklam verib, ciddi gəlir əldə edirlər. Apple və Meta o vaxtdan bəri proqram izləmə probleminə görə bir-biri ilə mübahisə edir. Bu iddialar təkcə Apple-ın siyasətini pozmur, həm də icazəsiz istifadəçi məlumatları toplandığına görə müvafiq qanunlar pozulmuş olur.

Meta ittihamları rədd edib

Instagram və Facebook-un tətbiqdaxili brauzerlərində bu təhlükəsizlik probleminin olduğu hamıya məlumdur. Meta-nın təhlükəsizlik tədqiqatçıları tərəfindən də aşkar edilən bu hadisə bizim üçün pozuntudur, lakin Meta bu iddiaları qətiyyən qəbul etmir. Facebook və Instagram-ın ana şirkəti bildirir ki, tətbiqdaxili brauzer istifadəçinin məxfilik seçimlərinə hörmət edəcək şəkildə hazırlanıb.