Ən çox hansı markanın telefonları satılır?

Texnoloji məhsullar üzərində bazar araşdırması aparan Canalys və Counterpoint smartfon bazarında olan maraqlı itkilərin statistikasını üzə çıxarıb. İlin ikinci rübündə satışlar azalarkən, ikinci əl və premium bazar yüksəlməyə başlayıb. Bəs, Apple, Samsung və Xiaomi kimi brendlərin olduğu siyahıda son vəziyyət necədir?

Samsung liderliyini davam etdirir

2023-cü ilin ikinci rübünü əhatə edən hesabata görə, illik bazda smartfon tədarükündə 11%, satışda isə 8% azalma olub. Bu nöqtədə Samsung 21-22% bazar payı ilə liderliyini qoruyub saxlaya bildi. “Samsung”dan dərhal sonra gələn brend  17% bazar payı ilə Apple oldu. Üçüncü ən böyük marka olan Xiaomi 13% bazar payı var, Oppo 10% və Vivo 8% yer alır.

 ABŞ, Yaponiya və Qərbi Avropada smartfon satışlarında ikirəqəmli azalma müşahidə olunub. Bunun əksinə Premium cihaz satışları artmaqda davam edir. O qədər ki, rüb ərzində artım göstərən yeganə seqment bu olub. Canalys-in məlumatına görə, ikinci rübdə satılan ən azı beş smartfondan biri flaqman idi.

Qlobal smartfon bazarının sürətli böyümə mərhələsinin keçmişdə qaldığını bildirən Counterpoint bu kəskin enişin ikinci əl bazarı və telefon dəyişdirmə dövrlərinin uzanması ilə əlaqədar olduğunu bildirib.