Azərbaycan Respublikasının İnnovasiya və Rəqəmsal İnkişaf Agentliyinin (İRİA) Texnopark layihəsi çərçivəsində ERA Innovations MMC rəsmi olaraq qeydiyyat şəhadətnaməsi ilə təltif olunub. Bu şirkət texnologiya sektorunda öz uğurlarını gücləndirərək Texnopark rezidenti statusunu əldə edib.

İnnovasiya və Rəqəmsal İnkişaf Agentliyi (İRİA), Azərbaycanın texnoloji inkişafı və rəqəmsal transformasiyası üçün strateji əhəmiyyətə malik bir qurumdur. Agentlik, Texnopark vasitəsilə innovativ layihələri dəstəkləyərək ölkəmizdə texnologiya və innovasiya sahələrində davamlı irəliləyişə töhfə verir.

Bu qeydiyyat şəhadətnaməsi Texnopark rezidentlərinə bir sıra mühüm imtiyazlar təqdim edir. Texnoparkın dəstəyi ilə proqram təminatının hazırlanması və inkişafı sahəsində bir sıra vergilərdən azadolmalar, xarici mütəxəssislər üçün iş icazəsi tələb olunmaması və digər güzəştlər əldə olunub. Bu imtiyazlar, texnologiya və innovasiya sahəsində fəaliyyət göstərən şirkətlərin öz fəaliyyətlərini daha da genişləndirmək və müştərilərə daha güclü həllər təqdim etmək üçün əlavə dəstək qazanmasına imkan yaradır.

Texnopark rezidenti olan ERAsoft, gələcəkdə daha böyük uğurlara imza atmağı və innovasiyaların inkişafına töhfə verməyi hədəfləyir.