Samsung CES 2023 sərgisində bir çox maraqlı yeniliklərini paylaşıb. Onlardan biri smartfonlar üçün yeni OLED displeyidir. Cənubi Koreya şirkətinin CES-də nümayiş etdirdiyi maksimum 2000 nit parlaqlığa malik yeni paneli beynəlxalq sınaq təşkilatı olan UL (Underwriters Laboratories) tərəfindən təsdiq edilib. UDR (Ultra Dynamic Range) etiketi ilə texnologiyanın gələcəkdə HDR-ni əvəz edəcəyi gözlənilir. Ən müasir OLED displey və ən son UDR 2000 sertifikatlı displey şirkətin stendində yan-yana nümayiş etdirildi. Aydındır ki, yeni ekran parlaqlıq və rənglərin bərpası baxımından hazırkını üstələyir.
Samsung Display bildirir ki, internetdə yüksək keyfiyyətli videoların artması ilə dinamik diapazon getdikcə daha vacib olduğundan mühəndislər enerji istehlakı xüsusiyyətlərini qoruyaraq ekran parlaqlığını yaxşılaşdıra biliblər.
