ChatGPT süni intellekt robotudur, çatbotdur. Süni intellekt robotu ona verilən suallara insan kimi cavablar verir. Virtual köməkçi kimi fəaliyyət göstərən ChatGPT 3-cü Nəsil GPT - 3.5 prinsipləri ilə işləyir. OpenAI  şirkətinin çatbotu ChatGPT-nin ən əsas xüsusiyyəti istifadəçinin verdiyi suala real vaxtda cavablar yarada bilməsidir. ChatGPT verilən bütün ağlasığmaz suallara səlis cavablar verir, ifadələri başa düşür. Çat kitablar, məqalələr və vebsaytlardan istifadə edərək cavab verir. ChatGPT ilə söhbət edə, şeirlər yaza və hətta hekayələr yarada bilərsiniz. Üstəlik, bunlarla məhdudlaşmırsınız, süni intellektin gücündən istifadə edərək proqram təminatı və kodlaşdırma işlərinizi qısa müddətdə yerinə yetirmək imkanınız var.

ChatGPT-yə qeydiyyat necə aparılır? 

chat.openai.com saytına daxil olun.

Qeydiyyat düyməsini klikləyin və OpenAI hesabı yaratmaq üçün addımları izləyin.

E-poçt ünvanınızı daxil edin.

Davam et düyməsini basın və telefon doğrulama prosesini həyata keçirin.

Qeydiyyat mərhələsini tamamlayın.

ChatGPT Xüsusiyyətləri

ChatGPT təkcə söhbətlər yaratmır, həm də bir çox xüsusiyyətlərə malik süni intellekt robotu olaraq texnoloji inkişafı izləyir və həyatımızı asanlaşdırır.

Sual-cavab; riyazi tənliklərin həlli; mətnlərin yaradılması; tərcümə etmək; mətni ümumiləşdirmək bacarığı; təsnifat; təkliflər vermək bacarığı; proqram təminatının inkişafı ilə bağlı bütün suallarınızı cavablandırır. ChatGPT tətbiqini smartfonlarınıza və ya masaüstü kompüterinizə yükləməklə istifadə edə bilməzsiniz. Proqramdan istifadə etmək üçün chat.openai.com saytına daxil olub qeydiyyatdan keçməlisiniz. 

Xatırladaq ki, ChatGPT ilk dəfə 30 noyabr 2022-ci ildə təqdim olunub. Onun təqdim etdiyi faktiki məlumatlar yayımlandığı ilk günlərdə tənqidlərə məruz qalsa da, sonrakı günlərdə verilən suallara məntiqli cavabları sayəsində populyarlıq qazandı. Robotlaşmaya cığır açan ChatGPT Azərbaycan dilini dəstəkləyir.