Qlobal texnologiya bazarını izləyən və müəyyən aralıqlarla sektor hesabatlarını təqdim edən Canalys, paylaşdığı son məlumatlarda 2023-cü ilin birinci rübündə dünyanın ən çox satılan premium smartfonlarını açıqlayıb. “Samsung”un Android tərəfindən böyük üstünlüyü olsa da, ümumilikdə iPhone dominantlıq edir.

iPhone 14 Pro Max liderdir

Hesabat göstərir ki, Galaxy S23 Ultra 2023-cü ilin birinci rübündə dünyada ən çox satılan Android smartfonu olub. Dünyanın ən çox satılan yüksək səviyyəli smartfonları (qiyməti 500 dollar və ya daha çox) siyahısında beşinci yeri tutan S23 Ultra zirvədən uzaqdır. Çünki siyahının başında S23 Ultra-dan təxminən üç dəfə çox satılan iPhone 14 Pro Max dayanır. iPhone 14 Pro, iPhone 14 və iPhone 13 müvafiq olaraq ikinci, üçüncü və dördüncü yerdədir. Digər tərəfdən, Galaxy S23 yeddinci, Galaxy S23 Plus isə doqquzuncu yerdə qərarlaşıb.

Siyahının sonunda Xiaomi 13 və Huawei Mate 50 on üçüncü və on dördüncü yerləri tutublar. Digər tərəfdən, Galaxy Z Flip 4 siyahıdakı yeganə qatlana bilən telefondur və 2023-cü ilin birinci rübündə satışlar baxımından dünya üzrə onuncu yeri tutdu.

Hesabat həmçinin göstərir ki, insanlar son bir neçə ildə daha çox yüksək səviyyəli telefonlar alırlar. 2019-cu ildə satılan bütün smartfonların 22%-nin qiyməti 500 dollar və ya daha çox idi, lakin 2023-cü ilin birinci rübündə bu rəqəm 31%-ə yüksəldi. İllik əsasda birinci rübdə premium telefon satışları 4,7 % artıb, ümumi smartfon satışları isə 13,3 % azalıb.

2023-cü ildə ən çox satılan yüksək səviyyəli telefonlar (1-ci rüb): 

iPhone 14 Pro Max

iPhone 14 Pro

iPhone 14

iPhone 13

Galaxy S23 Ultra

iPhone 14 Plus

Galaxy S23

iPhone 12

Galaxy S23 Plus

Galaxy Z Flip 4