İnsanlara Donald Trampın Twitter hesabına qoyulan qadağanın qaldırılıb-çıxarılmaması ilə bağlı sual verən və bunun üçün sorğu keçirən İlon Mask keçmiş prezidentin hesabını açdı. 

2021-ci ildəki Kapitol basqınında basqınçılara verdiyi dəstəyə görə çoxları tərəfindən qınanan Tramp Twitter tərəfindən də kənarlaşdırılmışdı. İndi isə "Twitter"in yeni sahibi Mask bu məsələni yenidən gündəmə gətirdi və anket keçirdi. Keçirilən sorğuda ümumilikdə 15 milyon səs verib. Rəyi soruşulanların 51,8 faizi Trampın “Twitter”ə qayıtmasını dəstəkləyib. Qalan 48,2 faiz isə Trampı “Twitter”də görmək istəmədiyini bildirib. Bu sorğunu 134 milyon insanın gördüyünü deyən İlon Mask səsverməyə bot hesabların da qatıldığını açıqlayıb. Mask bu məsələ ilə bağlı qəti sübut təqdim etməsə də, gələcək sorğuların daha təhlükəsiz şəkildə aparılacağını bildirib.