Oppo, Android 15 əsasında ColorOS 15 üçün hazırlıqlarını tamamladı. Hansı Oppo və OnePlus modellərinin bu yeni güncəlləmədən faydalanacağını öyrənmək istəyirsiniz? Tam siyahı buradadır!
Google-un Android 15 sistemini təqdim etməsindən sonra, bir çox smartfon istehsalçısı yeni versiya üçün iş sürətini artırdı. Bu markalar arasında olan Oppo, ColorOS 15 sistemini artıq istifadəçilərə təqdim etməyə başladı. Güncəlləməyə layiq modellərin siyahısı və daha çoxu burada…
2024-cü ilin noyabrında təqdim edilən ColorOS 15, artıq seçilmiş Oppo telefon və planşetlərə mərhələli şəkildə yayılmağa davam edir. Son yenilənmiş siyahıya Oppo Reno12, Reno 11, Oppo A80 5G, A60 5G, Oppo A3 5G, Oppo Find N3 və Pad 3 seriyaları daxildir. Ətraflı siyahı aşağıda təqdim olunur.
ColorOS 15, kilid ekranı və idarəetmə mərkəzini yenilənmiş dizaynla təqdim edir. İndi istifadəçilər saatı müxtəlif yerlərə köçürə , fərqli fontlar seçə və widget-lar əlavə edə bilərlər. İdarəetmə mərkəzində isə Wi-Fi və Bluetooth düymələri daha böyük və əlçatan olacaq. Güncəlləmə həmçinin yeni ikonalar və fon şəkilləri ilə gəlir.
Bundan əlavə, Android 15-in unikal xüsusiyyətləri də buraya daxil edilib. Məsələn, oğurluq aşkarlama kilidi cihaz oğurlandıqda məlumatları qorumaq üçün avtomatik kilidlənmə təmin edəcək. Həmçinin, peyk bağlantısı dəstəyi, süni intellekt inteqrasiyası və tətbiq arxivləmə kimi funksiyalar da təqdim olunub.
