Çində ən çox satılan 10 telefondan 5-i iPhone modelidir!

Amerikan texnologiya nəhəngi Apple, dünyanın bir çox bölgəsində olduğu kimi, Çində də öz üstünlüyünü qoruyur. Son məlumatlar göstərir ki, Apple, Çindəki bazar payını daha da gücləndirir.

2024-cü ilin üçüncü rübündə iPhone, dünya üzrə ağıllı telefon bazarındakı üstünlüyünü təsdiq etdi. Xüsusilə Çində böyük satış uğuru əldə edən şirkət, bu dövrdə ən çox satılan 10 modeldən 5-nin iPhone olduğunu açıqladı. iPhone 15 Pro Max siyahıda birinci yerdə qərarlaşarkən, onu iPhone 16 Pro Max, iPhone 16 Pro,iPhone 15 Pro və iPhone 15 modelləri izlədi. Bu uğur,Apple-ın mükəmməl marka imicini və yüksək keyfiyyətli məhsullarının təsirini bir daha sübut edir.

Bununla yanaşı, Honor, Oppo, Xiaomi, Vivo və Huawei kimi yerli brendlər də siyahıda yer aldı. Lakin onların ümumi bazar payı, Apple-ın əldə etdiyi səviyyəyə çata bilmədi. Bir vaxtlar böyük gücə malik olan Huawei, yalnız Huawei Pura 70 modeli ilə siyahıya daxil oldu. Şirkət 550-825 dollar qiymət seqmentində fəaliyyətini davam etdirsə də, yüksək seqmentdə mövqeyini itirib.

Bu zəifləmə, ABŞ-ın tətbiq etdiyi ticarət məhdudiyyətlərinin nəticəsi kimi qiymətləndirilir. Huawei, məhdudiyyətlər səbəbindən daha zəif yerli istehsal çiplərdən istifadə etməyə məcbur qalır ki, bu da onun rəqabət qabiliyyətini azaldır. Buna baxmayaraq, Huawei -nin yerli istifadəçi bazası sayəsində hələ də böyük dəstək alır.

Yeni təqdim olunan Mate 70 seriyası, tamamilə Huawei tərəfindən hazırlanan HarmonyOS Next əməliyyat sistemi ilə diqqət çəkdi. Android-dən tamamilə müstəqil olan bu sistem, iOS və Android-ə rəqib olmağa çalışır. Mate 70 seriyasının başlanğıc qiyməti 756 dollar olaraq müəyyən edilib, əlavə olaraq qatlanan Mate X6 modeli və süni intellekt xüsusiyyətləri də təqdim olundu.

Buna baxmayaraq, Apple-ın bazardakı təsiri artmağa davam edir, Huawei-nin isə gələcəyi hələ də qeyri-müəyyəndir. Şirkət, texnoloji yeniliklər və qlobal rəqabətdə daha güclü mövqe qazanmaq üçün strateji addımlar atmalıdır.