Süni intellekt "Google"un ən çox pul qazandığı axtarış sisteminə olan ehtiyacı bitirəcək. “Gmail”in yaradıcısı kimi tanınan Paul Buchheit “ChatGPT”nin Google üçün real təhlükə olduğunu düşünür.

Amerikalı proqramçısının fikrincə, şirkətin reklam biznesi maksimum iki ildən sonra çökməyə başlayacaq. Buchheit bildirib ki, bu, təkcə “Google”a deyil, bütün digər axtarış sistemlərinə də aiddir. Başqa sözlə, bütün axtarış sənayesi ən böyük gəlir mənbələrindən birini itirmək üzrədir.

Keçən ilin noyabrında istifadəyə verilən ChatGPT istifadəçilərin onlarla axtarış nəticələri ilə vaxt itirmədən istədikləri cavabları almağına imkan yaradır. Söhbət üslubunda ünsiyyətdən əlavə istifadəçilər aydınlaşdırıcı suallar da verə bilir. “Google”un reklam biznesinin böyük bir hissəsi müəyyən açar sözlər əsasında axtarış səhifələrində göstərdiyi reklamlara əsaslanır. Şirkət 2021-ci ildə 250 milyard dollardan çox gəlir əldə edib ki, bu da 25 illik tarixində qazandığı ən çox gəlirdir.

"ChatGPT"nin yüksəlişi ilə istifadəçilərin uzun axtarış nəticələri ilə məşğul olmaq əvəzinə suallarına daha asan cavab ala biləcəkləri chatbotlara üstünlük vermələri" Google"un şöhrətini keçmişdə qoya bilər.