OpenAI 20 Martda ChatGPT-nin niyə oflayn olması ilə bağlı yeni təfərrüatları açıqladı və həmin vaxt bəzi istifadəçilərin ödəniş məlumatları da daxil olmaqla həssas informasiyalarının ifşa oluna biləcəyini bildirib. Şirkətin açıqlamasına görə, redis-py adlı açıq mənbə kitabxanasında keşləmə problemi yaranıb. Bu problemə görə bəzi aktiv istifadəçilərə başqa istifadəçinin ad və soyadı, e-poçt ünvanı və ödəniş məlumatları ilə birlikdə kredit kartının son dörd rəqəmi və son istifadə tarixi göstərilir.

Şirkət bildirir ki, ödəniş məlumatlarının sızması martın 20-də xidmətdən istifadə edən ChatGPT Plus abunəçilərinin 1,2 faizinə aiddir. Ödəniş məlumatlarına əlavə olaraq, bəzi abunəlik təsdiqi e-poçtlarının yanlış şəxslərə getdiyi bildirilir. OpenAI tərəfindən edilən açıqlamaya görə, kredit kartı nömrələrinin hamısı yox, sadəcə son 4 rəqəmi ifşa edilib. Bununla belə, bəzi istifadəçilər kartlarından pul çıxarılmağa çalışıldığını deyirlər.

OpenAI bildirir ki, keşləmə problemi yenidən bu tip xətaya səbəb olmasın deyə əlavə təhlükəsizlik tənzimləmələri edilir.