ChatGPT artıq "Apple Watch"da istifadə edilir!

"OpenAI"nin imkanları və asan əlçatanlığı ilə seçilən süni intellekt botu ChatGPT üçüncü tərəf tətbiqi ilə "Apple Watch"a daxil oldu. watchGPT adlı proqram sizə birbaşa saatınızdan ChatGPT ilə əlaqə saxlamağa imkan verir. ChatGPT-ni Apple smart saatlarına gətirən WatchGPT sizə söhbətlərinizi sms, e-poçt və ya sosial media platformaları vasitəsilə ChatGPT ilə paylaşmağa imkan verir.

Tətbiqin tərtibatçısı deyir ki, yeniləmə ilə daha çox funksiya əlavə olunacaq. Misal üçün ChatGPT hazırda yalnız bir suala cavab verir, növbəti yeniləmədə daha çox sual olacaq. Bundan əlavə, keçmiş söhbətləri görmək və cavabları səsli oxumaq kimi yeni xüsusiyyətlər gələcək. WatchGPT "App Store"dən endirilə bilər, lakin $4 ödənilməlidir.

WatchGPT funksiyaları

- ChatGPT ilə birbaşa Apple Watch-dan əlaqə saxlamaq

- Suala tez cavab alma və ya yazmadan uzun mesaj yaratmaq

- Qarşılıqlı əlaqənin nəticəsinin paylaşılması

- Heç bir data toplamır.

- İngilis, fransız, ispan, holland dillərində mövcuddur.