Büdcə dostu Vivo Y52T təqdim edildi!

Çin şirkəti Vivo məhsul çeşidini genişləndirməyə davam edir. Bu gün büdcəyə uyğun telefonları ilə istifadəçilərin rəğbətini qazanan şirkət bir müddət əvvəl yeni Y52t modelini təqdim etdi.

Vivo Y52t texniki xüsusiyyətləri

MediaTek Dimensity 700 çipseti ilə təchiz edilmiş Vivo Y52T qutudan çıxarkən 6,51 düymlük HD + LCD ekranı və Android 12 əsaslı OriginOS Ocean-ı dəstəkləyəcək. Bununla belə 8 GB RAM və 128 GB/256 GB olmaqla iki fərqli yaddaş variantı ilə gələn yeni telefon 1 TB tutuma qədər microSD kart dəstəyini də təqdim edəcək. Kamera tərəfində Vivo Y52t 13MP əsas, 2MP makro daxil olmaqla ikili dizayna malikdir. Cihazın ön hissəsində 8 meqapiksellik selfi kamerası var. Telefonun digər üstünlükləri arasında 10 Vt sürətli şarj dəstəyi ilə 5000 mAh batareya, 3,5 mm qulaqlıq girişi və 5G qoşulma dəstəyi daxildir. Vivo Y52t üç rəng variantı ilə 19 sentyabr tarixindən etibarən Çində satışa çıxarılacaq. Yeni telefonun 8GB/128GB versiyasının qiyməti 200 dollar (340 manat), 8GB/256GB versiyası isə 230 dollar(400 manat) qiymətində istifadəçilərə təklif olunacaq.