Microsoft Windows 8 əməliyyat sistemi ilə gözləntiləri qarşılaya bilmədikdən sonra cəmi bir il ərzində hazırlayıb satışa çıxardığı Windows 8.1 versiyası ilə yolun sonuna gəlir. Əməliyyat sistemi 10 il idi ki, bazarda fəaliyyət göstərirdi. Bu illərdə istifadəçilərə hər il yeniləmə təklif edən sistem artıq bunu dayandırır. Açıqlamaya görə, Windows 8.1 əməliyyat sisteminin texniki dəstəyi 2023-cü il yanvarın 10-da başa çatacaq. Bu tarixdən sonra o, heç bir təhlükəsizlik yeniləməsi almayacaq. Həmçinin, genişləndirilmiş texniki dəstək təklif edilməyəcək. Bir sözlə, istifadəçilər 50 gündən sonra talehləri ilə baş-başa qalacaqlar.
Windows versiyaları arasında təxminən 2,45 faiz paya sahib olan Windows 8.1 daha çox korporativ tərəfdə istifadə olunub. Bu baxımdan, təhlükəsizlik yeniləmələri səbəbindən təkmilləşdirmə bir az daha kritik hala gəlir.
