Azərbaycanda ilk dəfə Bakcell yeni nəsil SIM texnologiyası olan eSIM-i təqdim edir! Bununla da plastik SIM karta ehtiyac qalmayacaq. eSIM plastik SIM kartları əvəz edən rəqəmsal mikroçipdir və smartfonlarda istehsal zamanı quraşdırılmış olur. eSIM ilə adət etdiyiniz bütün mobil rabitə xidmətlərindən yararlanacaqsınız.

Üstünlükləri:

+ Plastik SİM karta ehtiyac yoxdur

+ Dərhal aktivləşdirmə

+ Bir neçə nömrə istifadəsi

Yeni nəsil SIM texnologiyası olan eSIM Bakcell abunəçilərinə mobil şəbəkəyə qoşulmasını və rabitə xidmətlərindən istifadəni xeyli sadələşdirən yeni imkanlar yaradır. eSIM vasitəsilə tək SIM kartlı smartfonlarda bir neçə nömrədən istifadə etmək mümkündür.

Bakcell virtual SIM kartını almaq və ya mövcud Bakcell nömrəsini virtual SIM karta keçirmək üçün “Bakcell”in rəsmi satış mərkəzlərindən birinə yaxınlaşıb nömrənin QR kodunu telefonla skan etmək lazımdır.

Hansı mobil cihazların eSIM texnologiyasını dəstəklədiyini öyrənmək üçün  *313# yığın və ətraflı məlumat alın. Eyni zamanda bildirək ki, eSIM nömrənizi digər smartfonda istifadə etmək üçün mobil cihazdan eSIM nömrəni silib digər smartfona yazdıra bilərsiniz.