Avropa Birliyindən Apple: “iPhone 15 satışına qadağa qoyarıq"

Keçən il Avropa Birliyi simli enerji ilə doldurulan demək olar ki, bütün elektron cihazların USB-C portu ilə təchiz edilməsini tələb edən qanun qəbul etdi. Şirkətlərin bu qanuna əməl etməsi üçün 28 dekabr 2024-cü ilə qədər vaxtları var.

Çıxardığı cihazların aksesuarlarının satışından astronomik gəlir əldə edən Apple şirkəti də bu qanunvericiliyə əməl etməli olacaq. Bu kontekstdə şirkətin bu ilin sonunda satışa çıxarılacaq iPhone 15 seriyası ilə Lightning-dən USB-C-yə keçidi erkən edəcəyi gözlənilir.

Aİ artıq “Apple”a xəbərdarlıq edib

Fevral ayında Çin mənbələri bildirmişdilər ki, Apple USB-C-yə Lightning kimi autentifikasiya çipini yerləşdirəcək və MFi sertifikatı olmadan USB-C kabellərində şarj və məlumat ötürmə sürətlərini məhdudlaşdırmağı planlaşdırır. Avropa Komissiyası artıq bu ssenarinin aradan qaldırılması üçün addım atıb. Avropa komissarı Thierry Breton mart ayında "Apple"a məktub göndərərək şirkətə bununla bağlı xəbərdarlıq edib. Breton, USB-C kabellərinin funksionallığının məhdudlaşdırılmasına icazə verməyəcəklərini bildirdi. Qanuna əməl edilməzsə, AB iPhone satışına qadağa qoya bilər.