Asus 17 düymlük qatlana bilən OLED monitorunu elan etdi.

Asus, CES 2024 sərgisində asanlıqla daşına bilən qatlana bilən OLED monitorunu elan etdi. 17,3 düymlük monitor daim səyahət edən və böyük ekrana ehtiyacı olan istifadəçilər üçün ideal görünür.

Açılanda demək olar ki, qatlanmayan monitorun Samsung Galaxy Z Fold 5-dəkilərə bənzər su damlası formalı menteşələri var. Açıldıqda qalınlığı 9,7 mm olan monitor 1,17 kq çəki ilə kifayət qədər yüngüldür.

ZenScreen Fold OLED MQ17QH adlı qatlana bilən monitorda  2560 x 1920 piksel təsvir ölçülü OLED panel var. Monitor DCI-P3 rəng gamutunun 100 faizini əhatə edir. O, həmçinin DisplayHDR True Black 500 spesifikasiyasına cavab verir. Bu xüsusiyyətlər monitorun dərin qara və zəngin rənglərə malik olması deməkdir.

Bağlantı tərəfində monitorda iki USB-C portu və bir Mini HDMI portu var. Monitorda ştativ dəliyi də var. Asus hələlik monitorun qiyməti və nə vaxt satışa çıxarılacağı ilə bağlı heç bir məlumat verməyib.