"Apple"nin uğursuzluğu : iPhone 14 Plus çox az satılır!

TFI Securities analitiki Ming-Chi Kuo iPhone 14 və iPhone 14 Plus-a son dərəcə zəif tələbatın olduğunu və bu cihazların satışının Apple üçün uğursuzluqla nəticələndiyini bildirir. Kuo iPhone 14 və iPhone 14 Plus-a tələbatın az olmasını hər iki modelin satışa çıxarıldığı gün pərakəndə mağazaların anbarında olması ilə əlaqələndirir. Çünki iPhone 14 Pro və iPhone 14 Pro Max-ın çatdırılma müddəti sifarişlərin çox olması səbəbindən 1,5 aya qədər uzadılıb.

iPhone 14 Plus məyusluğu

Bununla belə iPhone 14 Pro və iPhone 14 Pro Max modellərinin iPhone 13 Pro və iPhone 13 Pro Max ilə müqayisədə əvvəlcədən "yaxşı"  sifarişlər aldığı bildirilib. Çox güman ki, Apple seriyadakı bütün cihazların tədarükünün təxminən 45%-ni təşkil edən iPhone 14 və iPhone 14 Plus-ın istehsalını azaldacaq. Analitik iddia edir ki, iPhone 14 və iPhone 14 Plus üçün ilkin sifariş nəticələri 3-cü nəsil iPhone SE və iPhone 13 mini modellərindən qat-qat pis olub. Bundan əlavə, Kuo, mini forma faktorunu əvəz edən iPhone 14 Plus-a güclü tələbat gözlədiyi üçün "Apple"ın standart iPhone modelləri üçün məhsul seqmentləşdirmə strategiyasının bu il uğursuz olduğunu söylədi.