"Apple"nin işçisi 7 il ərzində 17 milyon dollar oğurlayıb

Keçmiş Apple işçisi Dhirendra Prasad texnoloji nəhəngə 17 milyon dollar ziyan vurduğunu etiraf edib. Məhkəmədə o, 2011-ci ildən 2018-ci ilə qədər şirkətdə necə fırıldaqçılıq etdiyini ətraflı izah edib. Prasad “Apple”ın qlobal təchizat zəncirində işləyib. Müttəhim komissiya almaq, həddən artıq təklif vermək, hissələri oğurlamaq və heç vaxt almadığı xidmətlərə görə şirkətdən ödəniş tələb etmək kimi saxtakarlıqlar törətdiyini etiraf edib. O, "Apple"dan oğurladığı hissələri qablaşdırıb yenidən Apple satırdı. İstintaq müəyyən edib ki, Prasad “Apple”ı aldatmaq üçün əsasən şirkət tərəfindən alınan hissələrin yenidən satışını nəzərdə tutan sxemdən istifadə edib.

“Prasad 2018-ci ilə qədər “Apple”a 17 milyon dollardan çox ziyan vuran saxtakarlıq sxemləri qurduğunu etiraf edib”, - deyə prokuror bildirib. 52 yaşlı Prasad dələduzluq etmək üçün sui-qəsd də daxil olmaqla, bir neçə ittiham üzrə özünü təqsirli bilməyib. Təqsirləndirilən şəxsi 20 ilə qədər həbs cəzası gözləyə bilər. Məhkəmənin yekun qərarı gələn ilin yazında açıqlanacaq. Bildirilir ki, Prasadın Apple təchizatçıları arasında olan iki ortağına qarşı da ayrı-ayrı ittihamlar irəli sürülüb.