Son zamanlarda Ultra adlandırma tez-tez qarşımıza çıxmağa başlayıb. Ultra ağıllı telefonlar, Ultra smart saatlar, Ultra noutbuklar standart modellərlə müqayisədə bəzi əlavə üstünlüklərlə təchiz olunur. Bu il “Apple”ın iPhone 15 Pro Max adını ləğv edəcəyi və əvəzinə iPhone 15 Ultra adını istifadə edəcəyi gündəmdə idi.

Gələn il iPhone 16 Ultra-nın daha yüksək səviyyədə ayrıca bir cihaz olacağı deyilir. Apple Watch Ultra nümunəsində gördüyümüz kimi, iPhone 16 Pro Max standart, iPhone 16 Ultra isə fərqli xüsusiyyətlər təqdim edəcək. Bununla bağlı şirkət daxilində fikir mübadiləsi aparıldığı bildirilir. Məsələn, daha sürətli çipset, daha böyük ekran, xüsusi proqram dəstəyi, yeni dizayn, USB Type-C portu və təkmilləşdirilmiş bölünmüş ekran kimi əlavələr ilə daha yüksək qiymət etiketi təqdim edəcək. Beləliklə, o, ən bahalı iPhone modeli olacaq.

Hələ iddia mərhələsində olduğu üçün belə bir strategiyanın həyata keçib-keçməyəcəyi bəlli deyil.