Apple tənqidlərdən nəticə çıxardı!

2017-ci ildə Apple iPhone X-in çentikli strukturuna uyğunlaşmaq üçün iOS əməliyyat sisteminin status çubuğundan batareya faizi ikonunu çıxardı. Uzun müddət çentikli smartfon dizaynından əl çəkməyən Apple iPhone 14 Pro və iPhone 14 ProMax təqdimatı ilə yeni dizayna keçdi. Yeni iPhone cihazları ilə iOS 16 əməliyyat sistemini çıxaran şirkət batareya göstəricisini yenidən status çubuğuna gətirdi, lakin yeni batareya ikonu tənqidlərə məruz qaldı.

Batareya ikonu dinamik olacaq

İOS 16 ilə batareya faizinin göstərilməsi bir çox istifadəçini sevindirsə də, batareya ikonasının dizaynı ciddi tənqidlərə səbəb oldu. Gözlənilənlərin əksinə olaraq ikon batareyanın faizinə görə şəklini dəyişmədi və batareya 20%-ə çatana qədər statik qaldı. Vəziyyət sosial mediada lağa qoyulduqdan sonra Apple vəziyyəti nəzarətə götürdü. iOS 16.1-in beta versiyasını sınaqdan keçirən istifadəçilər əməliyyat sisteminin yeni batareya ikonu ilə qarşılaşıblar. İkon batareya faizinə görə dinamik olaraq dəyişir. Yeni batareya ikonu hələlik beta mərhələsində olsa da, iOS 16.1-in buraxılması ilə bütün istifadəçilərin istifadəsinə veriləcək.