iPhone 14 və xüsusilə iPhone 14 Pro-nun uğurlu keçən təqdimatını nəzərə alan Apple alıcıların məhsulları rahat əldə etməsi üçün istehsal həcmini artırmaq qərarına gəlmişdi. Lakin görünən odur ki, şirkət planlarını dəyişməli olub. Bloomberg-in hesabatına görə, Apple iPhone 14 satışlarının istehsalın artırılmasını tələb edəcək qədər güclü olmadığını anladı və bu qərarından imtina etdi. Şirkət növbəti üç ayda iPhone 14 istehsalını 6 milyon artırmaq planlarını dayandıraraq 90 milyon istehsal hədəfinə qayıtdı. Xatırladaq ki, analitik Ming-Chi Kuo bu yaxınlarda Apple tədarükçüsü Foxconn-dan iPhone 14 Pro istehsalını 10% artırmağı xahiş etdiyini bildirmişdi. Standart iPhone 14-dən daha çox yenilik təklif etdiyini nəzərə alsaq, bu, çox ağlabatan tələbdir.
Markanın yaxın aylarda necə yol seçəcəyini zaman göstərəcək. Ancaq dəqiq olan odur ki, istehsalın artmasına qərar verilərsə, bu iPhone 14 Pro ilə əlaqəli olacaq. Çünki yeni seriyada istehlakçılar ən çox Pro modellərinə maraq göstərirlər.
