Apple-ın uzun illərdir Samsung və LG ilə tamamilə çərçivəsiz bir iPhone ekranı üzərində işlədiyi bildirilir. Lakin bu texnologiyanın istehsal mərhələsinə yaxın olmadığı qeyd edilir. Bəs, tam çərçivəsiz iPhone nə vaxt təqdim ediləcək?
Telefonların ekran çərçivələri son illərdə getdikcə kiçilsə də, tam çərçivəsiz bir telefon yaratmaq hələ ki mümkünsüz görünür. Apple-ın uzun müddətdir Samsung Display və LG Display ilə bu istiqamətdə çalışdığı, lakin texnologiyanın hazır olmadığını açıqladığı bildirilir.
Cənubi Koreyanın The Elec mənbələrinə əsasən, Apple əvvəlcə 2025 və ya 2026-cı ildə çərçivəsiz bir iPhone təqdim etməyi planlaşdırırdı. Lakin bu planların hətta 2026-da da baş tutmayacağı vurğulanır. Əsas səbəb isə texnologiyanın tam inkişaf etməməsidir.
Apple, çərçivəsiz iPhone üçün ekranı Apple Watch-un kənarlarında olduğu kimi əymək və "çay daşı" dizaynı əldə etməyi hədəfləyir. Kavisli ekran texnologiyası əvvəllər Samsung tərəfindən tətbiq edilib, son dövrlərdə isə Çin istehsalçıları dörd tərəfdən mikro kavisli ekranları təqdim ediblər. Lakin Apple, görüntünün keyfiyyətinin pozulması səbəbindən ekranın kənar hissələrinə qədər uzanmasını istəmir.
Tamamilə çərçivəsiz ekranın tətbiqi bir neçə ciddi texniki problemlə qarşılaşır. Bunlara OLED panel dövrələrinin ekran altında əyilmə zərurəti, anten sahəsi və siqnal pozuntuları, ekranın zərbələrə qarşı dayanıqsızlığı və kənarlarda görüntü təhrifləri daxildir. Bu səbəblərdən dolayı tam çərçivəsiz bir iPhone-un 2027-ci ildən əvvəl bazara çıxması gözlənilmir.
