Apple öz modemini nə vaxt çıxarır?

Qualcomm rəhbəri Cristiano Amon MWC 2023 konfransında bildirib ki, "Apple"ın uzun müddətdir müzakirə etdiyi 5G çipi gələn il hazır ola bilər. O, həmçinin əlavə edib ki, Apple onlara ehtiyac duyarsa, hər zaman hazırdılar. Hal-hazırda iPhone 14 seriyası da daxil olmaqla bütün Apple cihazlarında “Qualcomm”un 5G modemi var. Uzun müddətdir ki, “Apple”ın öz 5G çipini hazırlaması barədə danışılırdı. "Bloomberg"dən Mark Qurman keçən ay bildirmişdi ki, Apple ilkin olaraq yeni məhsulda (ehtimal ki, iPhone Pro) öz çipindən istifadə etməyi planlaşdırır və təxminən üç ilə tədricən Qualcomm modemlərindən istifadəni dayandıracaq. Amonun açıqlamasına görə, “Apple”ın 5G çipi ən tez iPhone 16 modellərində ola biləcək.

“Apple”ın çipinin “Qualcomm”un modemləri ilə müqayisədə necə işləyəcəyi bəlli deyil, lakin “Apple”ın istehsal xərclərini azaldacağı dəqiqdir. Bu arada, 2023 iPhone 15 seriyasında Qualcomm Snapdragon X70 modeminin istifadə ediləcəyi gözlənilir.

Kuonun fikrincə, Apple 5G çipi iPhone 16 modellərinə çata bilməyə bilər. Hər şey “Apple”ın MMWAVE və peyk bağlantısı ilə bağlı texniki çətinlikləri həll etməyindən asılıdır.