Apple artıq iOS 8 və ya daha əvvəlki versiyaları işlədən cihazlarda iCloud ehtiyat nüsxəsi dəstəyini dayandırır. Köhnə iPhone, iPad və iPod Touch modellərinə artıq iCloud yedəkləməsi edilə bilməyəcək və mövcud yedəklər də silinəcək.
Apple istifadəçilərə göndərdiyi məlumatda, iCloud ehtiyat nüsxələrinin yalnız iOS 9 və daha yeni versiyalarda dəstəklənəcəyini və buludda saxlanılan iOS 8 öncəsi yedəklərin silinəcəyini təsdiqləyib.
Bu dəyişikliklə Apple, iOS 8 və ya daha əvvəlki versiyalarda çalışan cihazlardakı tətbiq və ya verilərə təsir etməyəcəyini, iTunes, Windows üçün Apple Devices tətbiqi və ya macOS vasitəsilə yaradılan yerli yedəklərə təsir etməyəcəyini bildirir.
18 dekabr 2024 tarixindən etibarən cihazların ehtiyat nüsxəsi üçün iOS 9 və ya daha yeni bir versiya tələb olunacaq. Apple, bu dəyişikliklə minimum proqram təminatı tələbləri ilə daha yaxşı uyğunlaşma əldə etmək istədiyini qeyd edir.
Bir dövrün simvolu olan iPhone 4 iOS 7-ə qədər yenilənmə aldı. iPhone 4S modelinə iOS 8 yeniləməsi verildi və iOS 9 onun üçün son yeniləmə oldu. iPhone 5 və sonrakı modellər isə daha yeni iOS versiyalara yenilənmə almağa davam edir. Buna görə, cihazlarını yeniləyən istifadəçilər üçün problem olmayacaq.
