Apple, böyük gözləntilərlə satışa çıxardığı Vision Pro eynəyi istehsalını böyük ölçüdə azaldır, hətta noyabr ayında istehsalın dayandırıla biləcəyi qeyd olunur.
The Information-un məlumatına görə, yay mövsümünün əvvəlində azalmış istehsal demək olar ki, dayandırılmaq üzrədir. Bir zavod işçisi qeyd edir ki, zavodda may ayında bəzi komponentlərin istehsalı dayandırılıb və on minlərlə çatdırılmamış hissə mövcuddur. Təchizatçılar Apple-ın 500.000-600.000 ədəd eynək istehsal etməyə kifayət qədər komponentə malik olduğunu bildiriblər. Bu miqdar tələbi uzun müddət ödəmək üçün kifayət edər.
Apple Vision Pronun son montajını həyata keçirən Çinin Luxshare şirkətinin pik dövrlərdə gündə təxminən 2000 ədəd, hazırda isə təxminən 1000 eynək istehsal etdiyi bildirilir.
İstehsal xəttini parçalayan Apple, tələbat artarsa, istehsalı artıra biləcəyini bildirir. Həmçinin, Apple daha ucuz bir modeldə oxşar komponentlərdən istifadə edə və ya eynəyin özündə ciddi dəyişiklik etmədən kiçik bir yeniləmə təqdim edə bilər.
Baxmayaraq ki, Apple Vision Pro yüksək keyfiyyətli ekranı və intuitiv istifadə təcrübəsi ilə ümumi olaraq bəyənilir, 3500 dollarlıq qiyməti, ağır quruluşu və VR eynəklərinin ümumi problemi olan baş ağrısı və ürəkbulanma kimi mövzularda tənqidlərə məruz qalır. Eyni zamanda, cihaza xas tətbiqlərin azlığı da mühüm bir problem kimi ortaya çıxır.
Bu arada, Appleın diqqətini Vision Pronun daha ucuz bir versiyasına yönəltdiyi bildirilir. Daha əlçatan bir cihazın bazara çıxması satışları artıra bilər, bu da inkişaf etdiriciləri daha çox tətbiq yaratmağa sövq edər.
