Apple iPhone 14 seriyasına və yeni Apple Watch modellərinə yeni "Qəza aşkarlama" funksiyasını əlavə edib. Apple-ın bu funksiyası “Crash Detection” adlanır və yayımladığı yeni televiziya reklamı ilə bunu təqdim etdi. Apple deyir: "iPhone 14 Pro ciddi avtomobil qəzasını aşkarlaya bilən və siz edə bilmədiyiniz vaxt avtomatik olaraq kömək çağıra bilən yeni mühüm təhlükəsizlik funksiyası - qəza aşkarlama ilə gəlir. Bu 48MP Pro kamera, ekranı tamamilə yenidən işlənmiş iPhone 14 Pro smartfonuna əlavə edilib və bunun necə işləcəyini görəcəyik. Demək reklamda göstərilənlərə əsasən, qəza vaxtı ekranda "Deyəsən qəzaya uğramısan" sözləri görünür. Əlavə bildiriş gəlir ki, cavab verilməsə, fövqəladə SOS işə salınacaq. Bu funksiya necə işləyir? Telefonun yeni ikinüvəli akselerometrindən, barometrindən və digər sensorlarından istifadə edərək telefon ciddi avtomobil qəzasını aşkarlaya bilər və avtomatik olaraq 10 saniyə geri sayar. Geri sayımdan sonra cavab verməsəniz, telefon huşsuz və ya şokda olduğunuzu güman edəcək və təcili yardım çağıracaq. Qəza aşkarlama funksiyası "Real dünyada sürücülük və qəza rekordu məlumatları ilə qabaqcıl Apple dizaynlı hərəkət alqoritmlərindən" istifadə edir. Apple bu xüsusiyyəti çərşənbə günü elan etdiyi üç yeni Apple Watch modelinə də əlavə etdi: Apple Watch Series 8, ikinci nəsil Apple Watch SE və yeni Apple Watch Ultra.