Apple iPhone 15 modellərinə Touch ID-i əlavə etməyəcək!

2017-ci ildə təqdim etdiyi iPhone X ilə Face ID texnologiyasını təqdim edən Apple flaqman iPhone cihazlarında Touch ID-ni götürdü və Face ID-ə keçdi. Touch ID iPhone SE iPad və MacBook cihazlarında mövcud olmağa davam etsə də, texnologiya yüksək səviyyəli iPhone modellərindən tamamilə çıxarılıb. Android tərəfində bir çox yüksək səviyyəli smartfonlar ekranın altındakı barmaq izlərindən istifadə etməyə başladığı üçün bir çox istifadəçi Touch ID-in bu formada geri qayıtmasını istədi. Ancaq iddialara görə, Apple hələlik Touch ID-i geri gətirməyəcək.

Apple ekran altı Touch ID texnologiyasını sınaqdan keçirir

Apple-a yaxınlığı ilə tanınan Mark Qurman iPhone 15 seriyası haqqında məlumat paylaşıb. Qurmanın sözlərinə görə, Apple ekranın altına Touch ID inteqrasiyası üzərində işləyir, lakin bu texnologiyanın çatışmazlıqlarına görə iPhone 15 modelində istifadə edilməyəcək. Apple ekranın altındakı barmaq izindən istifadə etmək istəsə də, texnologiyanın əlavə xərcləri, əlavə tədqiqat və inkişaf prosesləri şirkəti bu fikirdən çəkindirib. Şirkətin MacBook modellərində çentiklərdən istifadə etməyə başladığını nəzərə alsaq, Touch ID texnologiyası tezliklə tamamilə Face ID ilə əvəz oluna bilər.