Apple iPhone 15 Ultra-da böyük dəyişiklik edə bilər!

Apple gələn il iPhone 15 seriyasında ad dəyişikliyi edə bilər. Bloomberg müxbiri Mark Qurmanın sözlərinə görə, Apple 2023-cü ildə top modelini iPhone 15 Pro Max əvəzinə iPhone 15 Ultra adlandıra bilər. Bundan əlavə, iPhone 15 Ultra kamera xüsusiyyətləri baxımından iddialı ola bilər.

iPhone 15 ilə dizayn dəyişə bilər

İddialara görə Apple-nin tək dəyişikliyi adı ilə bağlı deyil. Apple-nin bir müddətdir davam edən hazırkı dizaynı iPhone 15 ilə dəyişə bilər. Qurman bildirir ki, USB-C portu da daxil olmaqla yeni iPhone seriyası üçün daha böyük dəyişikliklər gəlir. İllərdir Apple-da mövcud dizaynı inkişaf etdirmək və dəyişdirmək fikri hakimdir. Əvvəl iPhone-larda "S" prefiksi altında dublikat modellərini görürdük, artıq bunu görmürük. Eynilə Apple-nin gözlənilmədən 2017-ci ildə istifadəsini dayandırdığı Plus markasını bu il iPhone 14 Plus-a daxil etdiyinin şahidi olduq. Ultra modeli də bu il Apple Watch seriyasına əlavə edildi. Buna görə də iPhone 15 seriyasının top modellərində Ultra adını görmək sürpriz olmayacaq.

iPhone 15 Ultra ikili ön kamera ilə təchiz oluna bilər

Bütün iPhone 15 modellərinin iPhone 14 Pro və Pro Max modellərində gördüyümüz Dynamic Island çentik dizaynına sahib olacağı bildirilir. iPhone 15 Ultra xüsusi olaraq kameraya fokuslana bilər. Whisper qəzetinin məlumatına görə, iPhone 15 Ultra-nın qabaqcıl optik zoom üçün periskop obyektivinə sahib ola biləcəyi və eyni zamanda ilk dəfə olaraq ön tərəfdə ikili ön kamera quruluşuna keçə biləcəyi ifadə edilir. Digər tərəfdən, Apple-nin iPhone-larla bağlı mövqeyini nəzərə alsaq, bu söz-söhbətlərə bir qədər şübhə ilə yanaşmaq daha doğru olar. Çünki Apple artıq bu ilki modellərində ön kameranın aperturasını artırıb. Gələn ildə kameralarla bağlı hansısa dəyişikliyə gedəcəyi şübhəlidir. Yəqin ki vaxt getdikcə daha geniş informasiyalar əldə edərik.