Apple iPhone 14 Plus istehsalını azaldıb!

Bir ay əvvəl iPhone 14-ün istehsal sayını azaltmağa qərar verən Apple indi iPhone 14 Plus üçün də eyni planı işə saldı. Bir çoxları "Apple"nin iPhone 12-dən sonra dizayn və performansda geriləmə yaşadığını düşünür. Bu yaxınlarda iPhone 14 Pro-nun satışı ilə bağlı gələn məlumatlar bu model üçün işlərin yaxşı getdiyini göstərsə də, digər iPhone 14 modelləri istənilən nəticəni əldə edə bilmir. Buna görə də Apple 90 milyon iPhone 14 modeli istehsal etmək strategiyasını dayandırdı. Apple Çindəki bəzi istehsal mərkəzlərinə iPhone 14 Plus istehsalını azaltmağı əmr etdi. Bu tələbə əlavə olaraq "iPhone 14 Plus komponentlərinin istehsalını dərhal dayandırmaq" əmri də verilib. Smartfon bazarının qlobal kommersiya baxımından zəifləməsi və bu ilin üçüncü rübündə smartfon tədarükünün illik 9 faiz azalması bu şirkətə də təsir edib.

7 sentyabr 2022-ci ildə satışa çıxarılan iPhone 14 Plus “Apple”ın gözləntilərini yerinə yetirməməkdə davam edir. iPhone 14 seriyasının ümumi tədarükünün keçən ilin eyni dövründəki iPhone 13 seriyasından az olması riski var.