Apple iPad modellərində fərqli ekranlardan istifadə edəcək!

“Apple”ın tezliklə təqdim edəcəyi 11 və 12 düymlük “iPad Pro”nun ekranı haqqında yeni məlumatlar analitik Ross Yanqdan gəldi. Yanq bildirib ki, yeni 11 düymlük iPad Pro modelində 12,9 düymlük "iPad Pro"dakı mini-LED displey texnologiyası deyil, indiki nəsillərdə olan LED Maye Retina ekranı olacaq.

11 düymlük iPad Pro mini LED displeylə gəlməyəcək

Bir daha təsdiqləndi ki, 11 düymlük “iPad Pro”da mini LED displey texnologiyası olmayacaq. Daha təkmil displey istəyən istifadəçilər 12,9 düymlük iPad Pro seçməli olacaqlar. 12,9 düymlük "iPad Pro"nun Liquid Retina XDR displeyi daha real detallar və HDR ilə əla vizual təcrübə təqdim edir. 11 düymlük iPad Pro 12,9 düymlük “iPad Pro”nun bir çox xüsusiyyətlərinə malikdir, lakin LED Liquid Retina displeyi ilə parlaqlıq bir qədər aşağıdır və qara rəng o qədər də tünd, parlaq görünmür. Yanqa görə yeni 11 düym və 12,9 düymlük iPad Pro indiki nəsillərlə müqayisədə ekran fərqi olmayacaq. Yeni çip və adapter xüsusiyyətlərindən başqa heç bir yenilik görməyəcəyik. Yeni “iPad Pro”lar M2 Apple silikon çipi ilə təchiz ediləcək.